Durante todo o mes de abril (do 1 ao 30/04) estará aberta a inscrición para a terceira edición do programa de formación gratuíto sobre Comunidades de Enerxías Renovables (CER), organizado no marco do proxecto EC4RURAL. Nesta edición, só se ofertarán 20 prazas, que se asignarán por rigorosa orde de inscrición. O curso impártese en galego e inglés.
Outra novidade é que nesta terceira edición, todos os módulos prolongaranse durante dúas semanas para facilitar a aprendizaxe dos participantes.
Este é o formulario de inscrición: goo.su/DY6eSd
A data de inicio será o luns, 5 de maio. Todos os participantes que completen o curso recibirán un certificado oficial. O programa detallado do curso pode consultarse a continuación.
Temario moi completo
O curso cobre todos os aspectos relacionados coa transición enerxética impulsada polas comunidades locais: desde o concepto de cidadanía enerxética e a avaliación da situación enerxética actual en cada localidade ata os procedementos legais que permiten aos municipios, as pequenas e medianas empresas e os cidadáns participar en accións colectivas de transición enerxética.
Ademais, esta formación inclúe unha análise en profundidade dos modelos de negocio que poden apoiar estas iniciativas colectivas, así como os procesos técnicos necesarios para a súa autorización e legalización.
