Os dez socios celebraron na cidade estonia a segura reunión presencial deste proxecto LIFE Programme.

O consorcio EC4RURAL celebrou a súa segunda reunión anual en Tartu, Estonia, os días 26 e 27 de setembro de 2024. Este evento, que reuniu aos dez socios do proxecto, serviu para revisar o seu avance e discutir os plans futuros. Ademais das frutíferas discusións, as persoas participantes visitaron dous municipios que forman parte da iniciativa EC4RURAL, adquirindo un valioso coñecemento de primeira man sobre os proxectos enerxéticos comunitarios locais.

O consorcio EC4RURAL concluíu recentemente a súa segunda reunión xeral en Tartu, Estonia. A xuntanza, celebrada os días 26 e 27 de setembro de 2024, brindou aos dez socios a oportunidade de reflexionar sobre o progreso do proxecto, tratar asuntos organizativos e delinear os próximos pasos. Organizada pola Universidade de Tartu, o encontro foi altamente produtivo, permitindo fitos clave e se mantiveron discusións construtivas sobre o camiño a seguir.

A reunión comezou cun discurso de benvida a cargo de Mihkel Solvak, vicedecano de Investigación e Desenvolvemento da Facultade de Ciencias Sociais da Universidade de Tartu, seguido dunha actualización do proxecto a cargo do coordinador de EC4RURAL, Xavier Simón, da Universidade de Vigo. Antti Roose, profesor da Universidade de Tartu, presentou o programa e proporcionou o contexto esencial para o encontro anual.

Ao longo dos dous días, o consorcio afondou no progreso de cada paquete de traballo, cubrindo áreas clave como os obxectivos enerxéticos comunitarios locais, o compromiso dos interesados, a formación e a comunicación. Os socios presentaron actualizacións sobre o desenvolvemento do proxecto tanto en España como en Estonia, debatendo os retos e identificando oportunidades de cara ao futuro.

Ademais dos debates anteriores, o consorcio tivo a oportunidade de adquirir experiencia directa a través de dúas visitas técnicas a municipios implicados no proxecto EC4RURAL. Na tarde do 26 de setembro, os participantes visitaron o municipio de Rõuge, onde exploraron iniciativas comunitarias locais e percorreron lugares clave relacionados co proxecto enerxético. O día 27, o grupo desprazouse ao municipio de Elva, que participa activamente na iniciativa EC4RURAL, onde coñeceron de primeira man os proxectos piloto que se están a implementar. En Elva fíxose entrega a Priit Värv, alcalde da localidade, o distintivo do proxecto EC4RURAL que recoñece a este territorio como un concello en transición enerxética.

Esta segunda reunión presencial non só foi un éxito en termos de discusións sobre o os fitos e desafíos que enfronta o EC4RURAL, tamén foi útil para contextualizar as particularidades que enfrontan territorios rurais tan distantes como Galicia e Estonia. Os membros do consorcio concluíron na certeza de que as dificultades que encaramos para o desenvolvemento de comunidades enerxéticas nos dous pilotos requiren solucións específicas de acordo cos contextos sociais, políticos e económicos de cada territorio.